Day: December 18, 2018

ತುರುವೇಕೆರೆ:       ವಿದ್ಯುತ್ ತಂತಿ ತಗಲಿ ಸಾವನ್ನಪ್ಪಿರುವ ಘಟನೆ ಪಟ್ಟಣದ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆಯ ಆವರಣದಲ್ಲಿ ಮಂಗಳವಾರ ಸಂಜೆ ನೆಡೆದಿದೆ. ಮೃತ ದುರ್ದೈವಿ ತಿಪಟೂರಿನ ಗೊರಗೊಂಡನಹಳ್ಳಿ ನಿವಾಸಿ ಶ್ರೀನಿವಾಸ್(20) ಎಂದು ತಿಳಿದು ಬಂದಿದೆ.       ಪಟ್ಟಣದ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆ ನವೀಕರಣ ಕಾಮಗಾರಿ ಕೆಲಸ ನಿರ್ವಹಿಸಲು ಆಗಮಿಸಿದ್ದ ಈತ ಆಸ್ಪತ್ರೆ ನಾಮಫಲಕದ ಗೋಪುರದ ಸೆಂಟ್ರಿಂಗ್ ಕಾಮಗಾರಿ ಮಾಡಲು ಮಂಗಳವಾರ ಮುಂದಾಗಿದ್ದು. ಮಂಗಳವಾರ ಬೆಸ್ಕಾಂ ಇಲಾಖೆ ಸಂಜೆವರೆವಿಗೂ ವಿದ್ಯುತ್ ಖಡಿತಗೊಳಿಸಿರುವ ಬಗ್ಗೆ ಪತ್ರಿಕೆಯಲ್ಲಿ ಪ್ರಕಟಣೆ ನೀಡಿದ್ದನ್ನು ಗಮನಿಸಿ ಖಚಿತ ಗೊಳಿಸಿಕೊಂಡೆ ಕಾರ್ಯನಿರ್ವಹಣೆಗೆ ಮುಂದಾಗಿದ್ದಾನೆ, ಆದರೆ ಸಂಜೆ 5ಗಂಟೆ ಸುಮಾರಿಗೆ ಹೆಬ್ಬಾಗಿಲಿನ ಸೆಂಟ್ರಿಂಗ್‍ಗೆ ಅಳವಡಿಸಿದ್ದ ಮರದ ಹಲಗೆಗಳನ್ನು ಕಬ್ಬಿಣದ ರಾಡಿನಿಂದ ತೆರವುಗೊಳಿಸುವ ಸಂದರ್ಬದಲ್ಲಿ ಸೆಂಟ್ರಿಂಗ್ ಮೇಲ್ಭಾಗದಲ್ಲಿಯೇ ಇದ್ದ ವಿದ್ಯುತ್ ತಂತಿಗೆ ಕಬ್ಬಿಣದ ರಾಡು ತಗಲಿ ವಿದ್ಯುತ್ ಶಾಕ್‍ನಿಂದ ಕೆಳಗೆ ಬಿದ್ದಿದ್ದಾನೆ. ಕೂಡಲೇ ಸಾರ್ವಜನಿಕರು ಸರ್ಕಾರಿ…

ತುರುವೇಕೆರೆ:       ಅಕ್ರಮವಾಗಿ ಕಸಾಯಿಖಾನೆಗೆ ಸಾಗಿಸುತ್ತಿದ್ದ ಸುಮಾರು 74 ಎಮ್ಮೆ ಹಾಗೂ ಹಸುಗಳನ್ನು ಪಟ್ಟಣದ ಪೊಲೀಸರು ರಕ್ಷಿಸಿಸುವಲ್ಲಿ ಯಶಸ್ವಿಯಾಗಿದ್ದಾರೆ.       ತಾಲೂಕಿನ ಚಿಕ್ಕೋನಹಳ್ಳಿ ಗೇಟ್ ಬಳಿಯಲ್ಲಿ 3 ಕಂಟೈನರ್‍ನಲ್ಲಿ ತುಂಬಿದ್ದ ಎಮ್ಮೆ, ಹಸುಗಳನ್ನು ಸಾಗಣೆ ಮಾಡಲಾಗುತ್ತಿತ್ತು. ಖಚಿತ ಮಾಹಿತಿಯನ್ನದಾರಿಸಿ ಪಟ್ಟಣದ ಪೊಲೀಸರು ಮೂರು ಲಾರಿಗಳನ್ನು ತಡದು ತಪಾಸಣೆ ಮಾಡಿದ್ದಾಗ ಅಕ್ರಮವಾಗಿ ಸುಮಾರು 74 ಎಮ್ಮೆ, ಹಸುಗಳನ್ನು ಕಸಾಯಿಖಾನೆಗೆ ಸಾಗಿಸಲಾಗುತ್ತಿದೆ ಎಂದು ತಿಳಿದು ಬಂದಿದೆ. ಕೂಡಲೇ ಮೂರು ಲಾರಿಗಳನ್ನು ವಶಕ್ಕೆ ಪಡೆದ ಪೊಲೀಸರು ಪ್ರಕರಣ ದಾಖಲಿಸಿ ಎಮ್ಮೆ , ಹಸುಗಳನ್ನು ಮೈಸೂರಿನ ಗೋ ಶಾಲೆಗೆ ಸುರಕ್ಷಿತವಾಗಿ ಸಾಗಿಸಲಾಗಿದೆ.   Share

ತುಮಕೂರು:       ತುರುವೇಕೆರೆ ತಾಲೂಕು ದಬ್ಬೆಘಟ್ಟ ಹೋಬಳಿ ಕೋಡಿಪುರ ಮಜರೆ ಮುದಿಗೆರೆ ಗ್ರಾಮದ ಶ್ರೀ ಕೋಡಿರಂಗನಾಥಸ್ವಾಮಿ ದೇವಾಲಯದಲ್ಲಿಂದು ವೈಕುಂಠ ಏಕಾದಶಿಯ 10ನೇ ವಾರ್ಷಿಕೋತ್ಸವ ಪೂಜಾ ಕಾರ್ಯಕ್ರಮ ವಿಜೃಂಭಣೆಯಿಂದ ನೆರವೇರಿತು.       ಪೂಜಾ ಕಾರ್ಯಕ್ರಮದ ಪ್ರಯುಕ್ತ ಸ್ವಾಮಿಗೆ ಅಂದು ಬೆಳಿಗ್ಗೆ 5 ಗಂಟೆಯಿಂದ ವಿಶೇಷ ಅಭಿಷೇಕ, ಅಲಂಕಾರ, ಹೋಮ, ಮಹಾ ಮಂಗಳಾರತಿ ಸೇವೆಗಳು ಜರುಗಿದವು.       ನಂತರ 11 ಗಂಟೆಯಿಂದ ಭಕ್ತಾದಿಗಳು ಪ್ರಮುಖ ಬೀದಿಯಲ್ಲಿ ಸ್ವಾಮಿಯ ತೇರನ್ನು ಎಳೆದು ಪೂಜೆ ಸಲ್ಲಿಸುವ ಮೂಲಕ ಭಕ್ತಿಯನ್ನು ಸಮರ್ಪಿಸಿದರು. ತೇರಿನೊಂದಿಗೆ ವಿವಿಧ ಜಾನಪದ ಕಲಾತಂಡಗಳು ಕೋಲಾಟ, ಗೊಂಬೆ ಕುಣಿತ, ಪ್ರದರ್ಶನ ನೀಡಿದವಲ್ಲದೆ ಮಕ್ಕಳು ವಿವಿಧ ವೇಷಭೂಷಣಗಳೊಂದಿಗೆ ಪಾಲ್ಗೊಂಡು ಸಂಭ್ರಮಿಸಿದರು. ಸಂಜೆ ಸುಗಮ ಸಂಗೀತ ಕಾರ್ಯಕ್ರಮ, ದೀಪೋತ್ಸವ, ಕಾಮಧೇನು ಉತ್ಸವ, ಮಹಾ ಪ್ರಸಾದ ಸೇವೆಗಳು ಜರುಗಿದವು. Share