ಕೊರಟಗೆರೆ: ಕೊರಟಗೆರೆ ಕ್ಷೇತ್ರದ ೨,೦೯,೪೯೫ ಜನ ಮತದಾರರಿಗೆ ಮತದಾರರ ಗಣಕೀಯ ನಮೂನೆ ಪತ್ರಗಳು ಶೇ.೧೦೦ರಷ್ಟು ತಲುಪಿ ಪ್ರಗತಿ ಸಾಧಿಸಿದ್ದು ಈಗಾಗಲೇ ೧,೬೮,೪೮೨(೮೨.೨೫)ಜನ ಮತದಾರರ ಡಿಜಿಟಲ್ ಸೇರ್ಪಡೆಯಾಗಿದೆ ಎಂದು ಕೊರಟಗೆರೆ ಕ್ಷೇತ್ರದ ಮತದಾನ ನೋಂದಾಣಾಧಿಕಾರಿ ಸೋಮಪ್ಪ ಕಡಕೋಳ ತಿಳಿಸಿದರು.
ಕೊರಟಗೆರೆ ಪಟ್ಟಣದ ೩ನೇ ವಾರ್ಡಿನಲ್ಲಿ ನಡೆಯುತ್ತಿರುವ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣೆಯ ಬಿಎಲ್ಓ ಮನೆ ಮನೆಗೆ ಬೇಟಿಯ ವೇಳೆ ಸ್ಥಳಕ್ಕೆ ದಿಡೀರ್ ಬೇಟಿ ನೀಡಿ ಪರಿಶೀಲನೆ ನಡೆಸಿ ಮಾತನಾಡಿದರು.
ಕೊರಟಗೆರೆ ಕ್ಷೇತ್ರದ ಗ್ರಾಮೀಣ ಮತ್ತು ಪಟ್ಟಣದಲ್ಲಿ ವೇಗವಾಗಿ ಮತದಾರರ ಪರಿಷ್ಕರಣೆ ಕಾರ್ಯ ನಡೆಯುತ್ತಿದೆ. ನಿಧಾನ ಮತ್ತು ಗೊಂದಲ ಇರುವ ಸ್ಥಳಗಳಿಗೆ ಮತ್ತೋರ್ವ ಹೆಚ್ಚುವರಿ ಬಿಎಲ್ಓ ಮತ್ತು ಸಿಬ್ಬಂಧಿಗಳನ್ನು ನೇಮಿಸಲಾಗಿದೆ. ಮುಂದಿನ ೮ ದಿನದೊಳಗೆ ಮತದಾರರ ಡಿಜಿಟಲ್ ಕಾರ್ಯ ಶೇ.೧೦೦ರಷ್ಟು ಪ್ರಗತಿ ಸಾಧಿಸುವ ವಿಶ್ವಾಸವಿದೆ ಎಂದರು.
ಕೊರಟಗೆರೆ ತಹಶೀಲ್ದಾರ್ ಮಂಜುನಾಥ.ಕೆ ಮಾತನಾಡಿ ಮತದಾರರ ಪಟ್ಟಿ ಪರಿಷ್ಕರಣೆ ಕಾರ್ಯಕ್ಕೆ ಸ್ಥಳೀಯ ಜನ ಪ್ರತಿನಿಧಿಗಳ ಸಹಕಾರ ಅತಿಮುಖ್ಯ. ಮನೆ ಮನೆಗೆ ಬೇಟಿ ನೀಡುವ ಅಧಿಕಾರಿಗಳಿಗೆ ಮತದಾರರ ಸ್ಥಳಾಂತರ, ಸಾವು, ನಕಲಿ, ಗೈರಿನ ಮಾಹಿತಿಯು ಅಧಿಕಾರಿಗಳಿಗೆ ನೀಡಬೇಕಿದೆ. ಗೊಂದಲ ಇದ್ದಲ್ಲಿ ಸಹಾಯವಾಣಿಗೆ ಸಂಪರ್ಕಿಸಲು ಮನವಿ ಮಾಡಿದರು.
ಬೇಟಿಯ ವೇಳೆ ಪಪಂ ಸಿಇಓ ಉಮೇಶ್, ಚುನಾವಣಾ ಶಿರರದಾರ್ ಮಂಜುನಾಥ, ಬಸವರಾಜು, ನಕುಲ್, ಅರುಣ್, ಕಾಂಗ್ರೇಸ್ ಪಕ್ಷದ ಅರವಿಂದ, ಜೆಡಿಎಸ್ ಪಕ್ಷದ ಲಕ್ಷö್ಮಣ್, ಚಿಕ್ಕರಂಗಯ್ಯ, ರಂಗಣ್ಣ, ಬಿಜೆಪಿಯ ಮಾರುತಿ, ಮುಖಂಡರಾದ ಕಲೀಂವುಲ್ಲಾ, ಸೈಯದ್ ಸೈಪುಲ್ಲಾ ಸೇರಿದಂತೆ ಇತರರು ಇದ್ದರು.
(Visited 1 times, 1 visits today)
