ತುಮಕೂರು: ನಗರದಲ್ಲಿ ಶುಕ್ರವಾರ ಬೆಳಗ್ಗೆ ೧೧ ಕ್ಕೆ ನಾಟಕಮನೆ ತುಮಕೂರುರವರು ಆಯೋಜಿ ಸಿದ್ದ ವಿಶ್ವ ರಂಗಭೂಮಿ ದಿನಾಚರಣೆ-೨೦೨೬ ನಗರದ ಡಾ. ಗುಬ್ಬಿವೀರಣ್ಣ ಕಲಾಕ್ಷೇತ್ರದಲ್ಲಿ ಯಶಸ್ವಿಯಾಗಿ ನೆರವೇರಿತು.
ಕಾರ್ಯಕ್ರಮದ ಮೊದಲು ಪ್ರಕಾಶ್ ಎನ್.ಆರ್‌ರವರು ಅಮೇರಿಕಾದ ಹೆಸರಾಂತ ರಂಗಭೂಮಿ ಮತ್ತು ಸಿನಾಮಾ ಕಲಾವಿದರಾದ ವಿಲಿಯಮ್ ಡೆಫೋರವರು ನೀಡಿರುವ ೨೦೨೬ರ ವಿಶ್ವ ರಂಗಭೂಮಿ ದಿನದ ರಂಗಸ0ದೇಶವನ್ನು ವಾಚನ ಮಾಡಿದರು. ನಂತರ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಪ್ರೊ. ಮೋಹನ್ ಹೆಚ್.ಎಸ್. ಮಾನ್ಯ ಕುಲಸಚಿವರು, ಪರೀಕ್ಷಾಂಗ, ತುಮಕೂರು ವಿಶ್ವವಿ ದ್ಯಾನಿಲಯ ರಂಗಭೂಮಿ ಪ್ರತಿಯೊಬ್ಬರ ಜೀವನದಲ್ಲಿ ಎಷ್ಟು ಪ್ರಾಮುಖ್ಯತೆಯನ್ನು ಪಡೆದುಕೊಂಡಿರುತ್ತದೆ ಎಂಬು ದನ್ನು ಪ್ರೇಕ್ಷಕರಿಗೆ ತಿಳಿಸಿಕೊಟ್ಟರು ಮತ್ತು ಶಿಕ್ಷಣದಲ್ಲಿ ರಂಗ ಭೂಮಿಯ ಮಹತ್ವದ ಬಗ್ಗೆ ಬೆಳಕು ಚೆಲ್ಲಿದರು. ನಂತರ ಮಾತನಾಡಿದ ಶಿವಣ್ಣ ತಿಮ್ಲಾಪುರರವರು ರಂಗಭೂಮಿಯ ಹುಟ್ಟು, ಅದರ ಬೆಳವಣಿಗೆ ಮತ್ತು ರಂಗಭೂಮಿಯಲ್ಲಿನ ಸಾಧ್ಯತೆಗಳ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊ0ಡು ವಿಶ್ವರಂಗಭೂಮಿ ದಿನಾಚರಣೆಗೆ ಎಲ್ಲ ರಂಗಕರ್ಮಿಗಳಿಗೆ ಶುಭಾಷಯಗಳನ್ನು ತಿಳಿಸಿದರು. ನಂತರ ಮಾತನಾಡಿದ ವಿಶ್ವವಿದ್ಯಾನಿಲಯ ಕಲಾ ಕಾಲೇಜು, ತುಮಕೂರು ಪ್ರಾಂಶು ಪಾಲರಾದ ಡಾ.ದಾಕ್ಷಾಯಿಣಿ ಜಿ.ರವರು ಮಕ್ಕಳಿಗೆ ನಾಟಕಗಳ, ಸಾಂಸ್ಕೃತಿಕ ಚಟುವಟಿಕೆಗಳ ಬಗೆಗಿನ ಆಸಕ್ತಿ ಬೆಳಯಬೇಕು ಮತ್ತು ಅದರಲ್ಲಿ ಅವರ ವಿಕಾಸ ಅಡಗಿದೆ ಎಂಬುದನ್ನು ಹೇಳಿ ವಿದ್ಯಾರ್ಥಿಗಳ ಒಳಗೊಳ್ಳುವಿಕೆಯ ಬಗ್ಗೆ ನೆರೆದಿದ್ದ ತುಮಕೂರು ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಗಳಿಗೆ ಮನವರಿಕೆ ಮಾಡಿಕೊಟ್ಟರು.
ವೇದಿಕೆ ಕಾರ್ಯಕ್ರಮದ ನಂತರ ಪೂರ್ಣಿಮಾ ಪವಾರ್ ರವರ ನಿದೇಶನದಲ್ಲಿ ಚಂದ್ರಗುಪ್ತ ಮೌರ್ಯನ ಪಟ್ಟದರಿಸಿಯ ಕಥಾವಸ್ತು ಹೊಂದಿರುವ “ಧ್ರವಸ್ವಾಮಿನಿ” ಎಂಬ ಐತಿಹಾಸಿಕ ನಾಟಕ ಯಶಸ್ವಿಯಾಗಿ ಪ್ರಯೋಗಗೊಂಡಿತು. ಧೃವಸ್ವಾಮಿನಿ ಸೌಂದರ್ಯವತಿ ಗುಪ್ತ ಸಾಮ್ರಾಜ್ಯಕ್ಕೆ ವಧುವಾಗಿ ಬಂದು ರಾಣಿಯಾದವಳು. ಯುದ್ಧದ ನೆಪಮಾಡಿ ಅವಳನ್ನು ತಮ್ಮ ವಳನ್ನಾಗಿಸಿಕೊಳ್ಳಬೇಕು ಆಕೆಯನ್ನು ಸಂಧಾನದ ಕಾಣಿಕೆಯಾಗಿ ನೀಡಬೇಕು ಎಂದು ಬೇಡಿಕೆ ಇಟ್ಟಾಗ ಅದಕ್ಕೆ ಮಣಿದು ಅವಳನ್ನು ಶತ್ರು ಪಾಳುಕ್ಕೆ ಕಳುಹಿಸುವ ಗುಪ್ತರ ರಾಜ, ಆದರೆ ಅವಳ ಬಗ್ಗೆ ಪ್ರೀತಿ ಹಾಗು ಗುಪ್ತರ ರಾಜ ಮನೆತನದ ಗೌರವ ರಕ್ಷಣೆಗಾಗಿ ಚಂದ್ರಗುಪ್ತ ಹಾಗು ಧ್ರವಸ್ವಾಮಿಯರು ಶತ್ರು ಶಿಬಿರಕ್ಕೆ ತೆರಳಿ ಅಲ್ಲಿ ಆ ಶತ್ರು ರಾಜನನ್ನು ಸಂಹರಿಸುತ್ತಾರೆ. ಅನಂತರ ಚಂದ್ರಗುಪ್ತ ಮತ್ತು ಧೃವಸ್ವಾಮಿನಿಯರು ಗುಪ್ತ ಸಾಮ್ರಾಜ್ಯದ ರಾಜ-ರಾಣಿಯರಾಗುತ್ತಾರೆ. ಇದು ಧೃವಸ್ವಾಮಿನಿ ನಾಟಕದ ಕಥಾವಸ್ತು. ಹೊಸಬರೆ ತುಂಬಿದ್ದ ಈ ನಾಟಕದ ಪಾತ್ರಧಾರಿಗಳಲ್ಲಿ ಬಹಳಷ್ಟು ಜನ ಚೆನ್ನಾಗಿ ಅಭಿನಯಿಸಿದರು ಮತ್ತು ನೆರೆದಿದ್ದ ಪ್ರೇಕ್ಷರರಲ್ಲಿ ಮೆಚ್ಚುಗೆಯನ್ನು ಪಡೆದುಕೊಂಡರು.
ಒಟ್ಟಾರೆಯಾಗಿ ವಿಶ್ವ ರಂಗಭೂಮಿ ದಿನಾಚರಣೆ-೨೦೨೬ ರಂಗಸ0ದೇಶ ವಾಚನ, ವಿಚಾರ ಸಂಕಿರಣ ಮತ್ತು ನಾಟಕ ಪ್ರಯೋಗಗಳೊಂದಿಗೆ ಬಹಳ ಯಶಸ್ವಿಯಾಗಿ ಮೂಡಿಬಂದವು ಮತ್ತು ರಂಗಭೂಮಿ ದಿನವನ್ನು ವಿಶಿಷ್ಟವಾಗಿ ಆಚರಿಸಲಾಯಿತು.
