ಬಸವಯುಗ ವೈಭವ ಪುಸ್ತಕ ಒಂದು ಐತಿಹಾಸಿಕ ಕೃತಿ

ತುಮಕೂರು
ಒಂಭೈನೂರು ವರ್ಷಗಳ ಹಿಂದೆ ಕಲ್ಯಾಣದಲ್ಲಿ ನಡೆದ ಶರಣ ಚಳವಳಿಯನ್ನು ಅವಲೋಕಿಸಿದರೆ, ಇದು ವಾಸ್ತವವೋ, ಕಟ್ಟು ಕಥೆಯೋ ಎಂಬಂತೆ ಭಾಸವಾಗುತ್ತದೆ.ಅಂತಹ ವಚನ ಚಳವಳಿಯನ್ನು ಪುಸ್ತಕ ರೂಪದಲ್ಲಿ ನೀಡಿರುವ ಬಸವಯುಗ ವೈಭವ ಪುಸ್ತಕ ಒಂದು ಐತಿಹಾಸಿಕ ಕೃತಿ ಎಂದು ರಾಷ್ಟ್ರೀಯ ಚಿಂತಕರು,ಮಾಜಿ ಸಂಸತ್ ಸದಸ್ಯರಾದ ಡಾ.ಬಸವರಾಜ ಪಾಟೀಲ್ ಸೇಡಂ ಅಭಿಪ್ರಾಯಪಟ್ಟಿದ್ದಾರೆ.
ನಗರದ ಶ್ರೀಸಿದ್ದಗಂಗಾ ಮಠದಲ್ಲಿ ಲೇಖಕರಾದ ಶಾಮಲಿಂಗ ಜವಳಗಿ ಅವರು ಬರೆದಿರುವ ಬಸವಾದಿ ಶರಣರನ್ನು ಸ್ಮರಿಸುವ 12ನೇ ಶತಮಾನದಿಂದ 21ನೇ ಶತಮಾನದವರೆಗಿನ ಬಸವ ತತ್ವವನ್ನು ಪರಿಚಯಿಸುವ ಬಸವಯುಗ ವೈಭವ ಗ್ರಂಥ ಬಿಡುಗಡೆ ಮಾಡಿ ಮಾತನಾಡುತಿದ್ದ ಅವರು,ಶರಣ ತತ್ವದ 900 ವರ್ಷಗಳ ಇತಿಹಾಸವನ್ನು ದಾಖಲಿಸುವ ಈ ಕೃತಿ ನಾಡಿನ ಉದ್ದಗಲಕ್ಕೂ ಬೆಳಕಾಗಬೇಕು ಎಂಬ ಆಶಯ ವ್ಯಕ್ತಪಡಿಸಿದರು.
ಪ್ರಚಾರದಲ್ಲಿ ಮತ್ತು ಆಂತರಿಕ ಸಂಘರ್ಷದಲ್ಲಿ ಬಸವಣ್ಣ ಮೇಲುಗೈ ಸಾಧಿಸಿದ್ದರೂ,ಆಚಾರ, ವಿಚಾರದಲ್ಲಿ ಹಿಂದೆ ಉಳಿದಿದೆ.ನುಡಿ ಮತ್ತು ನಡೆಯಲ್ಲಿ ಸಾಕಷ್ಟು ವೆತ್ಯಾಸ ಕಂಡು ಬರುತ್ತಿರುವ ಈ ಕಾಲದಲ್ಲಿ 900 ವರ್ಷಗಳ ಹಿಂದೆ ಜಾತಿ, ಮತ,ಹೆಣ್ಣು, ಗಂಡು, ಮೇಲು, ಕೀಳು, ಬಡವ, ಬಲ್ಲಿದ ನೆಂಬ ಭೇಧವಿಲ್ಲದೆ ಎಲ್ಲರಿಗೂ ಸಮಾನ ಅವಕಾಶ ಕಲ್ಪಿಸಿರುವುದು ಇಂದು ಊಹಿಸಿಕೊಳ್ಳಲು ಕಷ್ಟ. ಇದು ಬಸವಣ್ಣ ಮಾಡಿದ ದೊಡ್ಡ ಸಾಹಸ. ಆರ್ಹವಾಗಿಯೇ ಅವರನ್ನು ಕನ್ನಡ ನಾಡಿನ ಸಾಂಸ್ಕೃತಿಕ ನಾಯಕ ಎಂದು ಗುರುತಿಸಲಾಗಿದೆ.ಎಲ್ಲರನ್ನು ಒಟ್ಟಿಗೆ ತೆಗೆದುಕೊಂಡು ಹೋಗುವ ಗುಣ ನಮ್ಮ ಶರಣರಲ್ಲಿದೆ.ಆ ಕಾರ್ಯವನ್ನು ಮಾಡುವುದೇ ನಮ್ಮನ್ನು ಆಗಲಿದೆ ಶರಣರಿಗೆ ನಾವು ಸಲ್ಲಿಸುವ ನಿಜವಾದ ಗೌರವ ಎಂದು ಡಾ.ಬಸವರಾಜು ಪಾಟೀಲ್ ಸೇಡಂ ನುಡಿದರು.
ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ ಅಧ್ಯಕ್ಷರು, ನಿವೃತ್ತ ಐಎಎಸ್ ಅಧಿಕಾರಿ ಡಾ.ಸಿ.ಸೋಮಶೇಖರ್ ಮಾತನಾಡಿ,ಬಸವಯುತ ವೈಭವ ಒಂದು ವಿಶಿಷ್ಟ ಗ್ರಂಥ. 12ನೇ ಶತಮಾನದಿಂದ 21ನೇ ಶತಮಾನದರೆಗೆ ಬಸವಣ್ಣವರ ಬಗ್ಗೆ ಯಾರ್ಯಾರು ಬಸವ ತತ್ವವನ್ನು ಪ್ರಸ್ತರಿಸಿದ ಅವರನ್ನು ಪರಿಚಯಿಸುವ ಕೆಲಸ ಆಗಿದೆ.ಬಸವಯುಗ ಮಾನವನಿಗೆ ಘನತೆ ತಂದುಕೊಟ್ಟ ಯುಗ,ಮಾನವೀಯ ಅನುಕಂಪದ ಪ್ರತಿಪಾಧಿಸಿದ ಯುಗ. ಕಾಯಕ, ದಾಸೋಹ, ಸ್ತ್ರೀಸಮಾನತೆ, ಜಾತ್ಯಾತೀತ, ಮೂಡನಂಬಿಕೆ ವಿರುದ್ದ ಹೋರಾಟ ಮಾಡಿದ ಬಸವಣ್ಣನನ್ನು ಸೋಗಸಾಗಿ ಶಾಮಲಿಂಗ ಜವಳಗಿ ನಿರೂಪಿಸಿದ್ದಾರೆ ಎಂದರು.
ಲೇಖಕ ಶಾಮಲಿಂಗ ಜವಳಗಿ, ಮಾತನಡಿದರು.
ಪತ್ರಕರ್ತ ಎಸ್.ನಾಗಣ್ಣ ಮಾತನಾಡಿ, ಸಿದ್ದಗಂಗಾ ಮಠಕ್ಕೂ ನನಗೂ ಅವಿನಾಭಾವ ಸಂಬಂಧ. ಇಲ್ಲಿ ಶಿಕ್ಷಕನಾಗಿ ಕೆಲಸ ಮಾಡಿ, ಹಿರಿಯ ಶ್ರೀಗಳ ಪ್ರಿಯ ಶಿಕ್ಷಕನಾಗಿದ್ದೆ.ಶಿಕ್ಷಕ ವೃತ್ತಿ ತೊರೆದು ಹಲವು ವರ್ಷಗಳ ಕಾಲ ನನ್ನ ಬರುವಿಕೆಗೆ ಶ್ರೀಗಳ ಕಾಯ್ದರು.ಈ ಮಠದಲ್ಲಿ ಓದುತ್ತಿರುವ ನೀವೆಲ್ಲರೂ ಪುಣ್ಯವಂತರು ಎಂದರು.
ಕಾರ್ಯಕ್ರಮದ ದಿವ್ಯ ಸಾನಿಧ್ಯ ವಹಿಸಿದ್ದ ಸಿದ್ದಗಂಗಾ ಮಠಾಧ್ಯಕ್ಷ ಶ್ರೀಶ್ರೀಸಿದ್ದಲಿಂಗಸ್ವಾಮೀಜಿ ಮಾತನಾಡಿ,ಶಾಮಲಿಂಗ ಜವಳಗಿ ಅವರು ಹೊರತಂದಿರುವ ಬಸವಯುಗ ವೈಭವ ಅತ್ಯಂತ ಮಹತ್ವ ಕೃತಿ.ಬಸವಯುಗದ ಬೆಳಕು ಎಲ್ಲಾ ಶತಮಾನಕ್ಕೂ ಬೇಕಿದೆ.ಬಸವಣ್ಣವರ ವಿಚಾರಧಾರೆಗಳು ಎಂದೆಂದಿಗೂ ಅಗತ್ಯವಿದೆ.ಪ್ರತಿಯೊಬ್ಬ ವ್ಯಕ್ತಿಗೂ ಒಳ್ಳೆಯ ಮನುಷ್ಯನಾಗಲು ಬಸವಣ್ಣನವರ ವಿಚಾರಧಾರೆಗಳು ಬೇಕಿದೆ.ಪ್ರಚಾರಕ್ಕಿಂತ ಆಚರಣೆ ಮುಖ್ಯವಾಗಿದೆ.ಬಸವಣ್ಣನವರ ಬಗ್ಗೆ ಆಪಾರ ಕೃತಿಗಳಿವೆ. ಅವುಗಳಿಗೆ ಕಳಸವಿಟ್ಟಂತೆ ಈ ಕೃತಿ ಇದೆ.ಬಸವಣ್ಣನವರ ಬಗ್ಗೆ ಸಂಶೋಧನೆ ನಡೆಸುವವರಿಗೆ ಅಕರ ಗ್ರಂಥವಾಗಿದೆ.ಓದುವ ಸಂಸ್ಕೃತಿ ಕಡಿಮೆಯಾಗುತ್ತಿರುವ ಈ ಕಾಲದಲ್ಲಿ ಈ ಕೃತಿ ಕ್ವಾಂಟಟಿ ಮತ್ತು ಕ್ವಾಲಿಟಿ ಎರಡರಲ್ಲಿಯೂ ಭಾರವಾದ ಕೃತಿ.ನಾವೆಲ್ಲರೂ ಕೊಂಡು ಓದುವ ಮೂಲಕ ಪೆÇ್ರೀತ್ಸಾಹಿಸಬೇಕಿದೆ ಎಂದರು.
ಕಾರ್ಯಕ್ರಮದಲ್ಲಿ ಯುವ ಚಿಂತಕರಾದ ಮಹೇಶ್ ರೆಡ್ಡಿ ವೆಂಕಟರೆಡ್ಡಿ ಮುದ್ನಾಳ,ವಿನ್ಯಾಸಕರಾದ ರವಿಕಿರಣ್ ನರಗುಂದ,ಮುದ್ರಕರಾದ ಬಿ.ವಿ.ಪಾಟೀಲ್,ಅಕ್ಷರ ಜೋಡಿಸಿದ ಶರಣಕುಮಾರ್ ಮಠಪತಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು. ಶ್ರೀಮಠದ ಮಕ್ಕಳಿಂದ ಸಂಜೆಯ ಸಾಮೂಹಿಕ ಪ್ರಾರ್ಥನೆ ಜರುಗಿತ್ತು.