ತುರುವೇಕೆರೆ ಮನುಷ್ಯನಿಗೆ ಆಹಾರ ಅತ್ಯಮೂಲ್ಯ ಹಾಗಾಗಿ ಈ ಭಾಗದ ರೈತರು ಭತ್ತದ ಬೆಳೆ ಬೆಳೆಯ ಬೇಕು. ಅದಕ್ಕೆ ಪೂರಕವಾಗಿ ರೈತರು ಇಚ್ಛಿಸಿದಾಗ ಬಯಲಿಗೆ ನೀರನ್ನು ಬಿಟ್ಟುಕೊಡಲಾಗುವುದೆಂದು ಶಾಸಕ ಮಸಾಲ ಜಯರಾಂ ರೈತರಲ್ಲಿ ಕಳಕಳಿ ಮನವಿ ಮಾಡಿದರು. ತಾಲ್ಲೂಕಿನ ದಂಡಿನಶಿವರ ಹೋಬಳಿಯ ಮಾಚೇನಹಳ್ಳಿ ಗ್ರಾಮದಲ್ಲಿ ತಾಲ್ಲೂಕು ಆಡಳಿತ ಹಾಗು ವಿವಿಧ ಇಲಾಖೆಗಳ ಸಹಯೋಗದೊಂದಿಗೆ ಶನಿವಾರ ನಡೆದ ಜಿಲ್ಲಾಧಿಕಾರಿಗಳ ನಡೆ ಹಳ್ಳಿಯ ಕಡೆ ಕಾರ್ಯಕ್ರಮವನ್ನು ಉದ್ಘಾಟಸಿ ಮಾತನಾಡಿದರು. ಭತ್ತ ಬೆಳೆಯಲು ಹೆಚ್ಚು ಖರ್ಚು ಬರುತ್ತದೆಂದು ಆ ಬೆಳೆ ಬೆಳೆಯಲು ರೈತರು ನಿರುತ್ಸಾಹ ತೋರಿದರು. ಈ ಬಾರಿಯಿಂದ ರೈತರ ಜಮೀನಿಗಳಲ್ಲಿ ಹಾಯ್ದು ಹೋಗಿರುವ ಸಣ್ಣ ನಾಲುವೆಗಳ ಸ್ವಚ್ಛಗೊಳಿಸಲು ಮತ್ತು ಕೆರೆ ತೂಬಿನ ರಿಪೇರಿಗೆ ಮೂರುವರೆ ಕೋಟಿ ಅನುದಾನ ಬಿಡುಗಡೆ ಮಾಡಲಾಗಿದೆ. ರೈತರು ಬಯಸಿದಾಗ ಬಯಲಿಗೆ ನೀರು ಬಿಡಲಾಗುವುದು. ದಯ ಮಾಡಿ ರೈತರು ವಾಣಿಜ್ಯ ಬೆಳೆಗಳಾದ ಕೊಬ್ಬರಿ, ಅಡಿಕೆಗಿಂತಲೂ ಬಹುಮುಖ್ಯವಾಗಿ ಬೇಸಿಗೆಯಲ್ಲಿ ಭತ್ತದ ಬೆಳೆಯನ್ನು ಬೆಳೆಯುವ ಮೂಲಕ ಸ್ವಾವಲಂಭಿ ರೈತರಾಗ ಬೇಕು ಎಂದು ಕರೆಕೊಟ್ಟರು. ರಾಗಿ ಬೆಳೆಯಲ್ಲಿ…
